Ադրբեջանում անհետացած ընդդիմադիր գործչին մահացած են գտել

Մայիսի 10-ին անհետացած ադրբեջանցի ընդդիմադիր գործիչ, «Մուսավաթ» կուսակցության անդամ Նաթիգ Մեհթիին «միջանձնային հարաբերությունների հողի վրա» սպանել են, հայտարարել է Ադրբեջանի ներքին գործերի նախարարությունը։

Ադրբեջանական լրատվամիջոցները, մեջբերելով գերատեսչության հաղորդագրությունը, փոխանցում են, որ քաղաքական գործչի սպանության առթիվ քրեական գործ է հարուցվել միտումնավոր սպանության հոդվածով։ Հաղորդվում է մեկ ձերբակալվածի մասին։

Հիշեցնենք՝ ավելի վաղ հայտնել էինք, որ Ադրբեջանում ընդդիմադիր գործիչ է անհետացել։