Ադրբեջանում ընդդիմադիր գործիչ է անհետացել
Ընդդիմադիր «Մուսավաթ» կուսակցությունը հայտարարում է քաղաքական ուժի ներկայացուցիչ Նաթիգ Մեհթիի անհետացման մասին։
Քաղաքական ուժի պնդմամբ՝ մայիսի 10-ից վեր նրա հետ կապ հաստատել չի հաջողվում։
Ըստ հաղորդագրության՝ Մեհթիի ընտանիքը փորձել է Ներքին գործերի նախարարությունից տեղեկատվություն ստանալ ընդդիմադիր գործչի հնարավոր ձերբակալության մասին, բայց պաշտոնական մարմիններից պատասխան չի ստացվել։
«Թուրան» գործակալությունը գրում է, որ լրատվամիջոցի հարցմանը ևս իրավապահները չեն արձագանքել։
