Փոփոխվել է խաչմերուկներից մեկի լուսացուցային օբյեկտի աշխատանքային ռեժիմը․ վարորդներ են ահազանգում
Auroranews-ին բազմաթիվ վարորդներ են ահազանգում և հայտնում, որ կարծես փոփոխվել է խաչմերուկներից մեկի լուսացուցային օբյեկտի աշխատանքային ռեժիմը:
Վարորդների խոսքով՝ Արշակունյաց պողոտայից Ագաթանգեղոս փողոցի ուղղությամբ երթևեկող տրանսպորտային միջոցների երթևեկությունը կարգավորող լուսացույցի աջ սեկցիան այլևս չի գործում, տվյալ ուղղությամբ երթևեկությունը չի թույլատրվում այլևս՝ սեկցիան փակվել է, թույլատրրվում է միայն կանաչ լույսի դեպքում՝ նախկին անընդհատի փոխարեն:
Auroranews-ի հետ զրոյցում Երևանի տրանսպորտի վարչությունից, որը վերահսկում է լուսացույցերի հետ կապված աշխատանքը, հաստատեցին լուրը:
«Վարորդները ճիշտ են ասում փոփոխություն է եղել 3 օր առաջ, բայց դա երթևեկության կազմակերպման փոփոխություն չի, դրա համար հայտարարություն չի տրվել: Արշակունյացից գնացողը դեպի Ագաթանգեղոս սեկցիա էր, որը մշտապես լուսացույցի վրա կանաչ էր, իսկ Ագաթանգեղոսից իջնող մեքենաները հետադարձի ժամանակ իրար հանդիպակաց էին դուրս գալիս մեկը մեկին պետք է զիջեր, չէին զիջում: Ընդհանրապես սեկցիայով երթևեկողը կանաչի դեպքում պետք է զիջի վարորդներին, իսկ հիմա հստակեվել է կարմիրը, այսուհետ պարտավոր են կանգնեն ու զիջեն հետադարձ կատարողներին: Այսպես արդեն անվտանգությունն ավելի է բարձրացել երթևեկության կազմակերպման»,- ասացին Երևանի տրանսպորտի վարչությունից։
