Իրաքը նոր օրենք է ընդունել միասեռականների հետ կապված
Իրաքի խորհրդարանը շաբաթ օրն ընդունել է միասեռական հարաբերությունները քրեականացնող օրենք՝ առավելագույնը 15 տարվա ազատազրկմամբ։ Այդ քայլը, ըստ Իրաքի խորհրդարանի հայտարարության, ուղղված է կրոնական արժեքների պաշտպանությանը:
Օրենքի պատճենի համաձայն, որին ծանոթացել է Reuters-ը, օրենքը նպատակ ունի «պաշտպանել իրաքյան հասարակությունը բարոյական քայքայումից և համասեռամոլության կոչերից, որն ընդգրկել է ամբողջ աշխարհը»:
Նոր օրենքը նախատեսում է նաև մեկից երեք տարվա ազատազրկում նրանց համար, ովքեր փոխում են իրենց կենսաբանական սեռը կամ միտումնավոր կանանց նման են հագնվում։
Օրինագիծն ի սկզբանե ներառում էր մահապատիժ միասեռական հարաբերությունների համար, սակայն նախքան ընդունումը փոփոխվեց՝ ԱՄՆ-ի և եվրոպական երկրների կտրուկ հակազդումից հետո:
