ՔՊ-ի կողմից իմ նկատմամբ շատ մեծ ճնշում կար. Մարության

ՔՊ-ի կողմից իմ նկատմամբ շատ մեծ քննադատություն և ճնշում կար այն հարցում, որ պետք է քաղաքապետարանում բոլորին հանեմ, նոր մարդկանց բերեմ. այս մասին ԼուրջCast հաղորդման եթերում ասել է Երևանի նախկին քաղաքապետ Հայկ Մարությանը:

Նա ընդգծել է, որ աշխատողների փոփոխության առումով իշխանափոխությունից հետո ամենաքիչ փոփոխություններն ինքն է արել՝ հույսը դնելով մարդկանց գիտակցության փոփոխման վրա:

«Ես իմ վարքագծով երևի թե միակն էի իշխանության մեջ, որ եկավ ու ասեց (քաղաքապետարանում առաջին մեծ ժողովի ժամանակ), որ նախորդ իշխանությունների օրոք աշխատած և իրենց գործին լավ տիրապետող մասնագետները, չի նշանակում, որ ամբողջ օրը մտածել են, որ պետք է ինչ որ վատ բան անեն: Ասել եմ՝ հակառակը, մենք պետք է այս բոլորիս մտածելակերպը փոխենք, որ այսուհետ բոլորս պետք է աշխատենք ի բարօրություն: Ամեն օր այդ ուղղությամբ աշխատել եմ, և ստացել եմ շատ լավ արդյունք», - նշել է Մարությանը:

Նրա պնդմամբ՝ իր օրոք քաղաքապետարանն այն մարմինն էր որն ընդհանրապես ձախողում չի ունեցել: