Մոսկվայի օդանավակայանները վերադարձել են բնականոն աշխատանքի
«Դոմոդեդովո», «Վնուկովո» և «Ժուկովսկի» օդանավակայանները վերադարձել են բնականոն աշխատանքի։ Այս մասին հայտնում է Օդային տրանսպորտի դաշնային գործակալության մամուլի ծառայությունը։
Մոսկվայի ժամանակով ժամը 11:15-ին Դոմոդեդովոյի, Վնուկովոյի և Ժուկովսկու համար ժամանակավոր սահմանափակումները հանվել են։ Միջոցառումները ներդրվել են քաղաքացիական օդանավերի թռիչքների անվտանգությունն ապահովելու համար, հաղորդում է գերատեսչությունը։
Սահմանափակումները մտցվել են Մոսկվայի մարզում անօդաչու թռչող սարքերի խոցման մասին տեղեկությունից հետո։ Կիրակի օրը մայրաքաղաքի երկնքում արդեն հինգ անօդաչու թռչող սարք են խոցել, ինչի մասին հայտնել է Մոսկվայի քաղաքապետ Սերգեյ Սոբյանինը։
