Վրաստանի խորհրդարանում բացառել են Սաակաշվիլիի փոխանցումն Ուկրաինային
Վրաստանի խորհրդարանի առաջին փոխնախագահ Գեորգի Վոլսկին անհնար է համարել նախկին նախագահ Միխեիլ Սաակաշվիլիին Ուկրաինային հանձնելը, ինչպես որ պահանջում են ուկրաինական իշխանությունները։ Այս մասին գրում է ՏԱՍՍ-ը:
«Ինչպե՞ս կարող է մարդը ցանկություն ունենալ Ուկրաինային հանձնել այն մարդուն (Սաակաշվիլիին-Խմբ.), որը քո տարածքում հանցագործություն է կատարել: Ես հաստատ գիտեմ, որ Ուկրաինայում նա կհամալրի իր կուսակցության շարքերը, և ոչ ոք նրան պատասխանատվության չի ենթարկի, ընդհակառակը, նրան շքանշան կտան ուկրաինական սահմանի ապօրինի խախտման համար»,- լրագրողներին ասել է Վոլսկին։
Առաջին փոխխոսնակը մեկնաբանել է Ուկրաինայի Գերագույն ռադայում իշխանական «Ժողովրդի ծառա» խմբակցության ղեկավար Դավիթ Արախամիայի ասածն այն մասին, որ Ուկրաինայի հետ հարաբերությունները կարգավորելու համար Վրաստանը պետք է դադարեցնի Ռուսաստանի հետ 2023 թվականին վերսկսված օդային հաղորդակցությունը և Սաակաշվիլիին ազատ արձակի բանտից։
