Լեհ ֆերմերները պատրաստվում են «կանգնեցնել երկիրը»
Լեհաստանի կառավարությունը չի կարողացել համաձայնության գալ ցուցարարների հետ, ուստի դժգոհ ֆերմերները հայտարարել են բողոքի ակցիաների ուժեղացման մասին: Նրանք խոստացել են, որ մարտի 20-ին ամբողջ Լեհաստանը կանգ կառնի 12 ժամով։
«Երեխաները դպրոց չեն հասնի, մեծերը աշխատանքի չեն հասնի, բայց մենք այլ ելք չունենք։ Մեր տնտեսությունները սնանկացման եզրին են, մենք պետք է ամեն ինչ անենք, որ կառավարությունը սկսի մեզ լուրջ վերաբերվել։ Պետք է ապրենք, ներողություն ենք խնդրում անհարմարությունների համար», - հայտարարել է ֆերմերներից մեկը Լեհաստանի վարչապետ Դոնալդ Տուսկի հետ հանդիպումից հետո։
Սա Լեհաստանի կառավարության բանակցությունների արդեն երկրորդ շարքն էր ֆերմերների ներկայացուցիչների հետ։ Տուսկը խոստացել է ցուցարարներին «մեծ նորություններ» հնչեցնել, սակայն սահմանափակվել է երկրորդական հարցերի քննարկմամբ։ Ֆերմերների հիմնական պահանջները դեռ չեն կատարվել, Տուսկը հրաժարվել է արգելափակել Ուկրաինական գյուղմթերքների ներմուծումը երկրի տարածք և թուլացնել ԵՄ-ի բնապահպանական պահանջները:
