Խարկովում ներկայացրել են էլեկտրականության անջատման ժամային գրաֆիկները

Խարկովում գործում են էլեկտրաէներգիայի անջատումների ժամային գրաֆիկները։ Այս մասին հայտնել Է Ուկրաինայի Էներգետիկայի նախարարությունը։

«Խարկովում էներգետիկները ստիպված են վերադառնալ անջատումների ժամային գրաֆիկների կիրառմանը»,-ասված է գերատեսչության Telegram-ալիքի հաղորդագրության մեջ: 

Նախարարությունում դա բացատրել են նաև էլեկտրաէներգիայի հաղորդման համակարգի անհուսալիությամբ։ Գրաֆիկները կգործեն մինչեւ իրավիճակի ամբողջական կայունացումը, հավելել են գերատեսչությունում։

Մինչդեռ «ՈւկրԷներգո» ընկերությունում հայտարարել են, որ էներգամատակարարումը վերականգնվել է Ուկրաինայի ողջ տարածքում։