Ավելի քան 40 երկիր պահանջել է Նավալնիի մահվան միջազգային հետաքննություն անցկացնել
Ավելի քան 40 երկիր պահանջել է Նավալնիի մահվան միջազգային հետաքննություն անցկացնել։ Այս մասին այսօր Ժնեւում ՄԱԿ-ի Մարդու իրավունքների խորհրդում հայտարարել է ԵՄ ներկայացուցիչ Լոտտե Կնուդսենը, գրում է Bild-ը։
«Մենք վրդովված ենք ռուս ընդդիմադիր քաղաքական գործիչ Ալեքսեյ Նավալնիի մահվան պատճառով, որի հիմնական պատասխանատվությունը կրում են նախագահ Պուտինը և Ռուսաստանի իշխանությունները», - ասել է նա։ «Ռուսաստանը պետք է թույլ տա, որ անկախ և թափանցիկ միջազգային հետաքննություն անցկացվի նրա հանկարծակի մահվան հանգամանքների վերաբերյալ», - ասել է նա:
Ընդհանուր առմամբ հայտարարությանը միացել է 43 երկիր։ Դրանց թվում են ԵՄ 27 երկրներ, ինչպես նաև ԱՄՆ-ը, Կանադան, Մեծ Բրիտանիան և Ուկրաինան։
