ՌԴ արտգործնախարար Սերգեյ Լավրովը և Թուրքիայի արտգործնախարար Հաքան Ֆիդանը Անթալիայում քննարկել են Հայաստանի և Ադրբեջանի միջև խաղաղության գործընթացը: Այս մասին գրում է РИА Новости–ն:

«Օրակարգում բազմաթիվ հարցեր կան, բացի երկկողմ համագործակցությունից, մենք քննարկել ենք տարածաշրջանային խնդիրներ, հնարավորություն ենք ունեցել քննարկելու Կովկասում խաղաղության գործընթացը, քննարկել ենք նաև տարբեր գործընթացներով իրականացվող գործընթացները»,- հայտարարել է Թուրքիայի արտգործնախարարը։

Ավելի վաղ հայտնել էինք, որ Հայաստանի և Թուրքիայի արտաքին գործերի նախարարներ Արարատ Միրզոյանը և Հաքան Ֆիդանը քննարկել էին երկու երկրների միջև հարաբերությունների կարգավորման գործընթացը։