Գերմանիայի ՊՆ–ն Ղրիմի կամրջի վրա հարձակման մասին գերմանացի սպաների խոսակցության գաղտնալսումն անվանել է «տեղեկատվական պատերազմի մաս»

Գերմանիայի պաշտպանության նախարար Բորիս Պիստորիուսը գերմանացի սպաների խոսակցությունների ձայնագրությունների հրապարակումից հետո առաջին հայտարարությունն է արել՝ հաստատելով, որ դրանք իրական են: Նա արտահոսքն անվանել է «տեղեկատվական պատերազմի մաս»:

Պիստորիուսը նշել է, որ գաղտնալսումների մասին իրեն ոչինչ հայտնի չէ: Նախարարը հավելել է, որ դրանց ստուգման արդյունքները հասանելի կլինեն վաղը. այն սկսվել է անմիջապես այն բանից հետո, երբ Ղրիմի կամրջի վրա հարձակումներ իրականացնելու Գերմանիայի մտադրությունները հայտնի դարձան գրեթե ողջ աշխարհում: 

Նրա խոսքով, հրապարակված ձայնագրության մեջ սպաները, հաշվի առնելով Ուկրաինային զենքի մշտական ​​մատակարարումը, քննարկել են տարբեր սցենարներ։