Ավտոբուսի վթարի հետևանքով կան զոհեր և վիրավորներ. Սիրիա
Սիրիայում Հոմս-Համա մայրուղու վրա ավտոբուս է շրջվել. վթարի հետևանքով 6 մարդ է զոհվել, 38-ը՝ վիրավորվել: Այս մասին հայտնել է երկրի ներքին գործերի նախարարությունը։
«Հոմս-Համա մայրուղու վրա ավտոբուսը շրջվել է, ինչի հետևանքով 6 մարդ զոհվել է, 38-ը՝ վիրավորվել»,- ասվում է Սիրիայի ՆԳՆ-ի հաղորդագրության մեջ։
Նշվում է, որ դեպքի վայր են ժամանել Քաղաքացիական պաշտպանության ներկայացուցիչներ և ճանապարհային ոստիկանության պարեկները, ովքեր տուժածներին տեղափոխել են Համայի ազգային հիվանդանոց: Վթարի պատճառները պարզվում են։
