Ալիևը խոսել է «Հարավային գազային միջանցքի» մասին
«Հարավային գազային միջանցքը» նոր կապուղիների կառուցման շնորհիվ ամբողջովին փոխում է դեպի Եվրոպա էներգակիրների մատակարարումների աշխարհագրությունը: Այս մասին Euronews-ի հետ հարցազրույցում հայտարարել է Ադրբեջանի նախագահ Իլհամ Ալիևը։
«3500 կիլոմետր երկարությամբ խողովակաշարն այժմ իրականություն է դարձել։ Դա այլևս երազանք չէ: Այն ընդգրկում է աճող թվով երկրներ, քանի որ մենք ունենք նոր կապուղիներ, որոնք թույլ են տալիս բնական գազը տեղափոխել նոր ուղղություններ: Փաստորեն, դա ամբողջովին փոխում է էներգակիրների մատակարարման աշխարհագրությունը, ինչպես նաև էներգետիկ անվտանգության հետ կապված հարցերը»,- ասել է Ալիևը:
Նա նշել է, որ Ադրբեջանը նաև վերականգնվող էներգառեսուրսների արտադրության նախագծերի շատ հավակնոտ օրակարգ ունի։
«Մենք նախատեսում ենք տասը տարի հետո առավելագույն չափով օգտագործել էներգիայի վերականգնվող աղբյուրները և կրճատել բնական գազի սպառումը երկրի ներսում»,- ասել է Ադրբեջանի ղեկավարը։
