Որքա՞ն է վաճառվել «00 օօ 000» պետհամարանիշը. «Հրապարակ»

Փետրվարի 12-ին ավարտվել է ավտոմեքենաների «գոլդ» համարանիշների գործարկված էլեկտրոնային աճուրդի հարթակում սկսված քվեարկությունը: 

«Հրապարակ» օրաթերթը գրում է, որ ավտոմեքենաների զրոներով պետհամարանիշների վաճառքի առաջին փուլն իրականացվել է՝ մասնակցել է 10 անձ, 48 համարանիշներից վաճառվել է 7-ը, գումարը կազմել է 156 միլիոն 200 հազար դրամ։

«ՆԳՆ-ն հրաժարվում է ասել, թե կոնկրետ մեկ համարանիշն ինչքան գումարով է վաճառվել։ Մեզ հաջողվեց պարզել, որ «00 օօ 000» պետհամարանիշը վաճառվել է 30 միլիոն դրամով։ Հիրավի` խրախճանք ժանտախտի ժամանակ»,– գրում է օրաթերթը:

Ավելի վաղ հայտնել էինք, որ ավտոմեքենաների «գոլդ» համարանիշների գործարկված էլեկտրոնային աճուրդի հարթակում մի քանի հարյուր հայտ էր ներկայացվել: Ամենամեծ մրցակցությունը ամբողջությամբ զրոներով՝ 00 ՕՕ 000 պետհամարանիշի դեպքում էր, որի սկզբնական գինը 20 միլիոն դրամ էր (50 հազար դոլար):