Ո՞ր դեպքում ՌԴ-ի և ՆԱՏՕ-ի միջև ուղիղ հակամարտությունն անխուսափելի կդառնա
Ռուսաստանի և ՆԱՏՕ-ի միջև ուղիղ հակամարտությունն անխուսափելի կդառնա, եթե դաշինքի զորքերը հայտնվեն Ուկրաինայի տարածքում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:
«Այդ դեպքում պետք է խոսել ոչ թե հակամարտության հնարավորության, այլ դրա անխուսափելիության մասին։ Հենց այդպես էլ գնահատում ենք», - ասել Է Պեսկովը։
Կրեմլի խոսնակը նաև նշել է․ «Իրավիճակը նույնկերպ պետք է գնահատեն ՆԱՏՕ-ի անդամ երկրները՝ փորձելով հասկանալ՝ արդյո՞ք այդ ամենը համապատասխանում է իրենց շահերին, իրենց քաղաքացիների շահերին»։
Հիշեցնենք՝ Ֆրանսիայի նախագահ Էմանուել Մակրոնը երեկ չի բացառել ԵՄ երկրների զորքերի տեղակայումը Ուկրաինայում:
