Ֆրանսիայի նախագահ Էմանուել Մակրոնը «չի հրաժարվում Նապոլեոնի ծրագրերից»՝ խոսելով ուկրաինական բանակին ռումբեր և հրթիռներ մատակարարելու համար կոալիցիա ստեղծելու մասին։ Այս մասին NEWS.ru-ի հետ զրույցում ասել է ՌԴ ԱԳ նախարար Սերգեյ Լավրովը։

«Նա չի հրաժարվում Նապոլեոնի ծրագրերից»,- ասել է Լավրովը։

Ավելի վաղ Մակրոնը Կիևին աջակցելու նպատակով կայացած մամուլի ասուլիսից հետո հայտարարել էր, որ Եվրամիությունը կոալիցիա կստեղծի Ուկրաինային միջին և մեծ հեռահարության հրթիռներ մատակարարելու համար։ Ֆրանսիայի ղեկավարը խոստացել է կոալիցիայի շրջանակներում աշխատելու ներգրավել բոլոր այն երկրներին, որոնք ունեն համապատասխան հնարավորություններ՝ ապահովելու զենքի մատակարարումը։