Կոնգրեսականների մեծ մասը պատրաստ է հաստատել Ուկրաինային տրամադրվող օգնությունը․ Սպիտակ տուն
Ամերիկացի կոնգրեսականների մեծամասնությունը պատրաստ է հաստատել Ուկրաինայի ֆինանսավորման մասին օրինագիծը, եթե Ներկայացուցիչների պալատի խոսնակ Մայք Ջոնսոնը դնի այն քվեարկության, հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։
«Իրականությունն այն է, որ Ռուսաստանի նախագահ Վլադիմիր Պուտինն ամեն օր հաղթում է, երբ Ուկրաինան չի ստանում իրեն անհրաժեշտ ռեսուրսները, և Ուկրաինան տուժում է: Ներկայացուցիչների պալատում կա վստահ երկկուսակցական մեծամասնություն, որը պատրաստ է ընդունել այս օրինագիծը, եթե այն դրվի քվեարկության, և այդպիսի որոշումը կարող է կայացնել մեկ մարդ»,-ասել է նա CNN-ին տված հարցազրույցում։
Սպիտակ տունը քննադատում է հանրապետական Ջոնսոնին այն բանի համար, որ նա Ներկայացուցիչների պալատն ուղարկել է երկշաբաթյա արձակուրդի մինչև փետրվարի վերջ՝ Ուկրաինային տրամադրվող 60 միլիարդ դոլարի օգնությունն արագ քվեարկելության դնելու փոխարեն:
