Ուկրաինայում խաղաղության գաղտնի սցենարներ կան

Ուկրաինայում հակամարտությունը կարգավորելու շուրջ 10 խաղաղ ծրագիր կա, որոնցից վեցը կամ յոթը հրապարակային են, բայց մնացածը դեռ գաղտնի են, հայտարարել է Շվեյցարիայի արտգործնախարար Իգնացիո Կասիսը ՄԱԿ-ի Գլխավոր ասամբլեայի ընթացիկ նստաշրջանի նիստում։

Նա հավելել է, որ Բեռնը կցանկանար խաղաղության կոնֆերանս կազմակերպել Ուկրաինայի վերաբերյալ, որի նպատակը կլինի ներկայացնել և վերլուծել առաջարկված գաղափարները, որոնք կարող են քայլ առ քայլ մոտեցնել ռազմական գործողությունների ավարտը։

«Ընդհանուր առմամբ կա մոտ 10 խաղաղության ծրագիր։ Մենք, բնականաբար, խոսում ենք Ուկրաինայի նախագահ Վլադիմիր Զելենսկու` 10 կետից բաղկացած խաղաղության ծրագրի մասին, սակայն իրականում կան վեց կամ յոթ պլաններ, որոնք հրապարակային են, իսկ մյուսները դեռ գաղտնի են», - ասել է դիվանագետը։