G7 երկրները սպառնացել են պատժամիջոցներ կիրառել Ռուսաստանին աջակցելու համար

Գագաթնաժողովից հետո «Մեծ յոթնյակի» երկրները համատեղ կոմյունիկեում ուկրաինական հակամարտությունում Ռուսաստանին աջակցող երկրներին և ընկերություններին սպառնացել են սահմանափակող միջոցներով:

«Մենք կշարունակենք միջոցներ ձեռնարկել երրորդ երկրների սուբյեկտների դեմ, որոնք նյութապես աջակցում են Ռուսաստանի կողմից մղվող պատերազմին, և անհրաժեշտության դեպքում լրացուցիչ միջոցներ կձեռնարկենք երրորդ երկրների իրավաբանական անձանց նկատմամբ»,- ասվում է փաստաթղթում։

G7-ի ղեկավարները նաև կոչ են արել զերծ մնալ ռուսական ռազմարդյունաբերական համալիրին աջակցելուց և դատապարտել ԿԺԴՀ-ի և Իրանի գործողությունները, քանի որ կարծում են, որ այդ երկրները զենք են մատակարարում Ռուսաստանին։

Բացի այդ, առցանց գագաթնաժողովի արդյունքներով որոշվել է շարունակել խստացնել ռուսական նավթի գնի առաստաղը և ջանքեր գործադրել էներգառեսուրսների վաճառքից Մոսկվայի եկամուտները սահմանափակելու համար։