Ռուս ընդդիմադիր գործիչ Ալեքսեյ Նավալնիի մարմինը հանձնվել է մորը։ Այս մասին հայտնել է Նավալնիի մամուլի քարտուղար Կիրա Յարմիշը։

«Առայժմ Լյուդմիլա Իվանովնան Սալեխարդում է։ Դեռ սպասում ենք Հուղարկավորությանը։ Մենք չգիտենք, թե արդյոք իշխանությունները կխանգարեն այն իրականացնել այնպես, ինչպես ընտանիքն է ցանկանում և ինչպես արժանի է Ալեքսեյը։ Տեղեկությունը հասանելի լինելուն պես կհայտնենք»,- գրել է նա «X»-ի էջում։