Արևմուտքը դատապարտված է ձախերի քաղաքականության պատճառով. Լիզ Թրաս
Արևմուտքը դատապարտված է ձախ էլիտաների երկարատև կառավարման պատճառով։ Չորեքշաբթի նման կարծիք է հայտնել նախկին վարչապետ (2022թ.) և Մեծ Բրիտանիայի արտաքին գործերի նախարար (2021-2022թթ.) Լիզ Թրասը։
«Ես եկել եմ այն եզրակացության, որ Արևմուտքը դատապարտված է, քանի դեռ պահպանողականները չեն հաղթել և պատրաստ չեն վերահսկել այն ինստիտուտները, որոնք ձախերը վերցրել են», - ասել է նա Fox News-ին տված հարցազրույցում: Թրասն ընդգծել է, որ քաղաքական ձախերը չափազանց երկար են կառավարել, ինչը բազմաթիվ խնդիրներ է առաջացնում, օրինակ՝ միգրացիան։
«Միայն պահպանողական քաղաքականություն վարելը բավարար չէ, պետք է պայքարել ձախերի վնասակար գաղափարների դեմ»,- նշեց քաղաքական գործիչը։
