ՌԴ-ում Ադրբեջանի դեսպանը՝ Հայաստանի հարցմամբ ադրբեջանցու ձերբակալման մասին

Մենք նրա համար փաստաբան ենք վարձել, հյուպատոսը նրա հետ է։  Այս մասին ասել է Ռուսաստանում Ադրբեջանի դեսպան Փոլադ Բյուլբյուլօղլուն՝ մեկնաբանելով ֆիթնես-մարզիչ Քյամիլ Զեյնալլիի ձորբակալումը Ռուսաստանում։

«Քյամիլ Զեյնալլիին ձերբակալել են երեկ գիշերը։ Մենք չգիտենք նրա ձերբակալության իրական պատճառները։ Բայց Ադրբեջանի դեսպանատունը միանգամից բոլոր քայլերը ձեռնարկեց։ Նա իր ձերբակալության վերաբերյալ դիմումներ ունի, շուտով կպարզվի, թե ինչու են նրան ձերբակալել։ Մենք նրա համար փաստաբան ենք վարձել, հյուպատոսը նրա հետ է։ Դեսպանությունն անում է ամեն ինչ, ինչ կարող է»,– նշել է Բյուլբյուլօղլուն։

Հիշեցնենք՝ ավելի վաղ հայտնել էինք, որ Մոսկվայում ադրբեջանցի է ձերբակալվել, նա կարող է հանձվել Հայաստանին։ Զեյնալլիի խոսքով՝ ոստիկանությունն ասել է, որ նա ձերբակալվել է Հայաստանի հարցմամբ։