Իսրայելի ԱԳՆ-ն Բրազիլիայի նախագահին պերսոնա նոն գրատա է հայտարարել
Իսրայելի արտաքին գործերի նախարարությունը Բրազիլիայի նախագահին Լուիս Ինասիո Լուլա դա Սիլվային պերսոնա նոն գրատա («անցանկալի անձ») է հայտարարել Գազայում պատերազմի մասին նրա խոսքերի պատճառով։
Հիշեցնենք` Բրազիլիայի ղեկավարը երեկ ասել էր, որ այն, ինչ կատարվում է Գազայի հատվածում, ցեղասպանություն է։ Նա դա համեմատել է հրեաների դեմ Ադոլֆ Հիտլերի վայրագությունների հետ։
Նշենք, որ Իսրայելի վարչապետ Բենիամին Նեթանյահուն նույն օրը հայտարարություն է տարածել՝ նշելով, որ «Բրազիլիայի նախագահի խոսքերը ամոթալի են և լուրջ», և որ «Իսրայելի գործողությունները Հոլոքոստի և Հիտլերի հետ համեմատելը նշանակում է հատել կարմիր գիծը»։
