Էրդողանը դիմել է ՄԱԿ-ի Անվտանգության խորհրդին
Գազայի վրա Իսրայելի հարձակումների արդյունքում զոհվել է ավելի քան 28 հազար պաղեստինցի, մոտ 70 հազար մարդ վիրավորվել է։ Այս մասին Թուրքիայի նախագահ Ռեջեփ Թայիփ Էրդողանը հայտարարել է Եգիպտոսի իր պաշտոնակցի հետ Կահիրեում կայացած համատեղ մամուլի ասուլիսի ժամանակ։
Նա նշել է, որ առաջնահերթություն է Գազայի հատվածում հրադադարի հասնելը և մարդասիրական օգնության անխոչընդոտ առաքումը: Նա նշել է, որ մինչ օրս Թուրքիան Գազա է ուղարկել ավելի քան 34 հազար տոննա օգնություն։
Էրդողանը նաեւ կոչ է արել միջազգային հանրությանը, հատկապես ՄԱԿ-ի Անվտանգության խորհրդին, միջոցներ ձեռնարկել Գազայի հատվածում արյունահեղությունը դադարեցնելու համար։
