Բայդենը որոշել է TikTok-ն օգտագործել իր նախընտրական քարոզարշավի համար․ ԶԼՄ

ԱՄՆ նախագահ Ջո Բայդենի նախընտրական շտաբը փետրվարի 11-ին ստեղծել է օգտահաշիվ TikTok սոցցանցում և հրապարակել առաջին գրառումը։ Այս մասին տեղեկացնում է Politico-ն, փոխանցում է Lenta.ru-ն։

Օգտահաշիվը հրապարակել է առաջին տեսանյութը, որտեղ Բայդենը պատասխանում է ֆուտբոլի հետ կապված հարցերին։ Այս քայլը նախաձեռնվել է երիտասարդ ընտրողներին ներգրավելու համար, ընդգծել է պարբերականը։

Բացի այդ, Բայդենի թիմը կարողացել է միանալ TikTok-ին ընտրարշավում բարձր ուշադրության ֆոնին՝ չինական ծագման և «անվտանգության նկատառումներից ելնելով» սոցիալական ցանցն արգելելու ԱՄՆ Կոնգրեսի կոչի պատճառով։

2023թ. փետրվարին Սպիտակ տունը դաշնային հաստատություններին 30 օր էր տվել այն բանի համար, որ նրանք հեռացնեն TikTok-ն իրենց սարքերից եւ համակարգերից։ Այս որոշումն ընդունվել էր այն երկյուղների հետ կապված, թե Չինաստանի իշխանությունները կարող են հավելվածն օգտագործել ԱՄՆ քաղաքացիներին լրտեսելու համար։