Սաուդյան Արաբիան կոչ է անում հրավիրել ՄԱԿ-ի Անվտանգության խորհուրդ՝ կապված Ռաֆահում ստեղծված իրավիճակի հետ

Սաուդյան Արաբիան կոչ է արել գումարել ՄԱԿ-ի Անվտանգության խորհրդի նիստ Գազայի հատվածի հարավում գտնվող Ռաֆահ քաղաքում Իսրայելի պաշտպանության բանակի հնարավոր ռազմական գործողության պատճառով։ Այս մասին հայտարարել է Սաուդյան Արաբիայի արտաքին գործերի նախարարությունը։

Գերատեսչությունն ընդգծել է, որ երկիրը զգուշացնում է Ռաֆահի վրա հարձակման և դրա լուրջ հետևանքների մասին, որը ներքին տեղահանված պաղեստինցիների վերջին ապաստանն է։

«Արտաքին գործերի նախարարությունն ընդգծում է ՄԱԿ-ի Անվտանգության խորհրդի հրատապ գումարման անհրաժեշտությունը՝ Իսրայելի կողմից հումանիտար աղետի ստեղծում թույլ չտալու համար»,– գերատեսչության հայտարարությունն է մեջբերում РИА Новости–ն:

Ավելի վաղ Իսրայելի վարչապետ Բենյամին Նեթանյահուն հայտարարել էր, որ իսրայելցի զինվորականները երկրի իշխանություններից հրահանգներ են ստացել՝ նախապատրաստվելու Գազայի հատվածի Եգիպտոսի հետ սահմանին գտնվող Ռաֆահ քաղաքում մարտերի մեկնարկին։