Շոլցն ասել է, որ առանց ԱՄՆ-ի օգնության իրավիճակը Ուկրաինայում «շատ դժվար» կլինի
Եվրոպան կշարունակի օգնություն ցուցաբերել Ուկրաինային, սակայն առանց ԱՄՆ-ի իրավիճակը ծայրահեղ կբարդանա։ Այս մասին Վաշինգտոնում հայտարարել է Գերմանիայի կանցլեր Օլաֆ Շոլցը, նրա խոսքերը հեռարձակել է n-tv հեռուստաալիքը։
«Եվրոպան կարող է մեծ ներդրում ունենալ, բայց առանց Միացյալ Նահանգների ներդրման, Ուկրաինայի համար իրավիճակը շատ-շատ բարդ կլինի։ Հուսով եմ, որ ամբողջ Կոնգրեսը կկայացնի այս որոշումը (Կիևին օգնություն հատկացնելու մասին): Մեզ համար պարզ է, որ այժմ մենք պետք է ոչ միայն հստակորեն արտահայտենք մեր համերաշխությունը Ուկրաինային, այլ նաև այն աջակցենք գործողություններով», – ասել է կանցլերը:
Նրա խոսքով՝ Ռուսաստանն ինքը պետք է «վերջացնի պատերազմը և պայմաններ ստեղծի, որպեսզի հնարավոր լինի խաղաղ լուծում»։
«Պատերազմը կարող է ավարտվել ցանկացած պահի, բայց ոչ այնպես, ինչպես պատկերացնում է Ռուսաստանի նախագահ Վլադիմիր Պուտինը՝ Ուկրաինայի կապիտուլյացիայով», – պնդում է Շոլցը։
