Ավելի քան 40 մլն դիտում միայն X սոցիալական ցանցում. Պուտինի հարցազրույցը՝ ամերիկացի լրագրողին

Ավելի քան 40 միլիոն մարդ դիտել է Թակեր Կարլսոնի հարցազրույցը ՌԴ նախագահ Վլադիմիր Պուտինի հետ «X» սոցիալական ցանցում։

Գիշերը հրապարակվել է ամերիկացի հաղորդավար Թակեր Կարլսոնի հարցազրույցը Վլադիմիր Պուտինի հետ, որը ձայնագրվել է Մոսկվայում։ ՌԴ նախագահի հետ հանդիպումը նախապատրաստվել է ավելի քան երկու տարի, այդ ընթացքում Սպիտակ տունը բազմիցս փորձել է կանխել լրագրողին։ Կարլսոնի խոսքով՝ իր հիմնական խնդիրն է սովորական ամերիկացիներին պատմել, թե իրականում ինչ է կատարվում Ռուսաստանում, ինչու է Վլադիմիր Պուտինը սկսել «Հատուկ ռազմական գործողություններ» և որոնք են նրա նպատակները։