Meta-ն արգելափակել է Իրանի գերագույն առաջնորդի սոցիալական ցանցերը
Meta ընկերությունը արգելափակել է Իրանի գերագույն առաջնորդ Ալի Խամենեիի հաշիվները Facebook և Instagram սոցցանցերում հայտարարությունների, կայքի կանոններին չհամապատասխանելու պատճառով: Այս մասին հայտնում է CNN-ը։
«Instagram-ը և Facebook-ը ջնջել են Իրանի հոգևոր առաջնորդ այաթոլլա Ալի Խամենեիի հաշիվները Մերձավոր Արևելքում սրվող հակամարտության ֆոնին», – նշում է հեռարձակողը:
Զեկույցում ասվում է, որ Խամենեին իր սոցիալական ցանցերում հաղորդագրություններ է գրել՝ ի պաշտպանություն պաղեստինյան ՀԱՄԱՍ շարժման և Իսրայելի դեմ։
Նշվում է, որ Meta-ի քաղաքականությունը թույլ չի տալիս կազմակերպություններին կամ անհատներին բռնության կոչեր հրապարակել։ Արգելքը վերաբերում է նաև բոլորին, ովքեր փառաբանում, աջակցում կամ ներկայացնում են Միացյալ Նահանգների կառավարության կողմից ահաբեկչական ճանաչված կազմակերպություններին, նշել է հեռուստաալիքը։
Մինչ այս հայտնի էր դարձել ԱՄՆ-ի հետ ռազմական բախումից խուսափելու Իրանի առաջնորդի հրամանի մասին։
Ավելի վաղ Խամենեին արաբական երկրներին կոչ էր արել խզել հարաբերությունները Իսրայելի հետ։
