Եթե լինեն փոխադարձ քայլեր, մենք էլ ավելի կկարգավորենք երկկողմ հարաբերությունները Թբիլիսիի հետ․ Զախարովա

Մոսկվան նպատակ ունի էլ ավելի կարգավորել երկկողմ հարաբերությունները Թբիլիսիի հետ, եթե լինեն փոխադարձ քայլեր։

Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով 2023 թվականին ԱՊՀ անդամ երկրների, այդ թվում՝ Վրաստանի, Աբխազիայի և Հարավային Օսիայի հետ հարաբերությունների զարգացման արդյունքները։

Փոխանցում է ՏԱՍՍ-ը։

«Անցյալ տարի Վրաստանի ղեկավարությունը պրագմատիկ գիծ էր հետապնդում Ռուսաստանի նկատմամբ, նրանք իրենց հերթին չեղյալ հայտարարեցին Վրաստանի քաղաքացիների՝ 2000 թվականից գործող կարճաժամկետ ուղևորությունների վիզային ռեժիմը և վերսկսեցին ուղիղ չվերթները, ինչը հեշտացրեց շփումները մարդկանց միջև և նպաստեց առևտրատնտեսական կապերի ընդլայնմանը»,-ասել է Զախարովան:

«Մենք գոհ ենք մեր հարևանների, գործընկերների և դաշնակիցների հետ համատեղ աշխատանքի արդյունքներից Ռուսաստանի համար այնպիսի կարևոր ռազմավարական ուղղությամբ, ինչպիսին Անկախ Պետությունների Համագործակցությունն է»,- հավելել է նա։