Կարող եք Մարությանի «Սուպեր մամա» 3-4 կինոներում դեր ուզել ու գնալ ծամածռվել». Անի Խաչատրյան
Երևանի ավագանու «Հանրապետություն» խմբակցության ղեկավար Անի Խաչատրյանը ներկայացրեց «Մայր Հայաստան» խմբակցության անդամ Սոնա Աղեկյանի լիազորությունները վաղաժամ դադարեցնելու նախագիծը՝ նշելով, որ Աղեկյանը նույնպես չի մասնակցել քվեարկությունների կեսին, և մի քանի կետով կարող են դադարեցնել լիազորությունները։
Մինչ քվեարկությունը Խաչատրյանն անդրադարձավ հնչած տարբեր կարծիքներին․ «Քաղաքական անհաջող մունետիկ Հայկ Մարությանը, որը կարողանար մեկ-մեկ, որպես քաղաքապետ, գար աշխատանքի, միգուցե, որպես ավագանի, այս օրին չլիներ։ Մենք էլ, որպես քաղաքային իշխանություն, ստիպված չլինեինք իր չարածներն անելու»։
Դիմելով Մանուկ Սուքիասյանին՝ Խաչատրյանն ասաց, որ Երևանն ու Արգիշտի 1 հասցեն նրա նման քաղաքական մուրացկան դեռ չեն տեսել՝ նույնիսկ Արգիշտիի ժամանակից սկսած. «Ձեզ մոտ փառահեղ ստացվում է ծամածռվելը։ Կարող եք Հայկ Մարությանի «Սուպեր մամա» 3-4 կինոներում դեր ուզել ու գնալ ծամածռվել»։
