ՏԵՍԱՆՅՈՒԹ․ Ռուսաստանում հավի ձվերի հսկայական աղբանոց է հայտնաբերվել
Օմսկի Օկտյաբրսկի շրջանի Չկալովսկի գյուղում հարյուրավոր հավի ձվերի ապօրինի աղբանոց է հայտնաբերվել։ Տեղի բնակիչներից մեկը պատմել է այդ մասին և տեսագրել, որը հետագայում տարածվել է սոցիալական ցանցերում։
Հրապարակված կադրերում երևում են հավի ձվերի հարյուրավոր ծղոտե սևացած տուփեր։ Հրապարակման հեղինակները նշել են արտադրանքի բարձր արժեքը։ Քաղաքապետարանն իր հերթին գրառման տակ գտնվող մեկնաբանություններումխնդրել է ճշտել աղբավայրի կոորդինատները։
Տարածաշրջանային Ռոսսելխոզնադզորը հաստատել է աղբավայրի առկայությունը, որից հետո անասնաբուժական բաժանմունքի մասնագետները դեպքի վայր են մեկնել՝ փորձաքննություն անցկացնելու, ինչպես նաև ինֆեկցիաների և հիվանդությունների հայտնաբերման համար ձվերի նմուշառումներ վերցնելու։
«Այս ձվերը գրեթե կես տարվա են՝ ակնհայտորեն հնացած, քայքայման հետքերով: Ըստ երևույթին, նրանք փորձել են այրել, բայց չեն այրել։ Հավկիթի վիճակը հեռու է օգտագործման համար պիտանի լինելուց»,- հաղորդում է տարածաշրջանային Ռոսսելխոզնադզորը։
Այժմ փորձագետները իրավապահների հետ միասին փորձում են պարզել, թե ով է պահել այդ ապրանքը։ Բողոքներ են գրվել դատախազություն և վարչակազմ։
