Կկառուցվի նոր բժշկական կենտրոն․ Տիգրան Ավինյան
Երևանում կկառուցվի նոր բժշկական կենտրոն` նոր ստանդարտներով, վերջին սարքավորումներով։ Այս մասին տեղեկացրել է Երևանի քաղաքապետ Տիգրան Ավինյանը գործակարգավարական նիստում։
«Դետալները քննարկել ենք, ֆինանսական հոսքերը գիտենք, միջազգային ֆինանսական գործընկերների շրջանակը նույնպես հասկանալի է»,- ասել է քաղաքապետը։
Ինչպես նշել է Ավինյանը՝ սա կարևոր ծրագրերից մեկն է, որը քաղաքապետարանը պարտավորվել է իրականացնել։
