Վրաց-հայկական սահման տանող ճանապարհին տրանսպորտային նոր սահմանափակումներ են մտցվել. ԶԼՄ

Վրաց-հայկական սահման տանող ճանապարհին տրանսպորտային նոր սահմանափակումներ են մտցվել: Այս մասին հայտնում է Sputnik Georgia-ն։

Ձյան տեղումների պատճառով Կոդա-Պարծխիսի-Մանգլիսի-Ծալկա-Նինոծմինդա ավտոճանապարհի 94-110 կմ-ին (Փարավանի լեռնանցք) արգելվում է բոլոր տեսակի տրանսպորտի շարժը, նույն երթուղու 110-147 կմ-ով արգելվում է երթևեկել ծանր բեռնատար և 22 նստատեղից ավելի տարողությամբ տրանսպորտային միջոցների համար։

Հաղորդվում է նաև, որ Կոդա-Այազա 1-94 հատվածներում ճանապարհը բաց է բոլոր տեսակի տրանսպորտի համար։