ՌԴ Պահպանության դաշնային ծառայությունը հայտնել է, թե ինչ մեքենաներ է վարում Պուտինը
Ռուսաստանի Դաշնության Պահպանության դաշնային ծառայության հատուկ նշանակության ավտոպարկում ՌԴ նախագահ Վլադիմիր Պուտինին սպասարկելու համար արտասահմանյան արտադրության ավտոմեքենաներ չկան։
Ռիա Նովոստիին ասել է գերատեսչության մամուլի և հասարակայնության հետ կապերի բաժնի ղեկավար Դենիս Սիմոնովը։
Նա նշել է, որ Պուտինն արդեն 6 տարի է, ինչ օգտագործում է ռուսական արտադրության ավտոմեքենա՝ AURUS լիմուզին։ Նախագահը ռուսական մեքենայով է երթևեկում Ռուսաստանում և արտերկրում։
AURUS մեքենաները տրամադրվում են նաև Ռուսաստանի Դաշնություն ժամանած օտարերկրյա հյուրերին։
Պուտինը նոր լիմուզինն առաջին անգամ նստել է 2018 թվականի մայիսի 7-ին։ Մինչ այդ նա երթևեկել է Մերսեդեսով։
«Ավտոպարկի մեծ մասը կազմված է հայրենական արտադրության մեքենաներից, կան արտասահմանյան մեքենաներ, սակայն պետության ղեկավարը չի օգտվում դրանցից»,- ասել է Սիմոնովը։
