
Պեսկովը մեկնաբանել է Նուլանդի ելույթն ուղղված Պուտինին

ԱՄՆ պետքարտուղարի քաղաքական հարցերով տեղակալ Վիկտորյա Նուլանդի այցերը Կիև, որպես կանոն, լավ ավարտ չեն ունենում։ Այս մասին հայտարարել է Կրեմլի մամուլի քարտուղար Դմիտրի Պեսկովը, ում հարցազրույցից մի հատված հրապարակել է լրագրող Պավել Զարուբինը Telegram-ի իր ալիքում։
Թղթակիցը խնդրել է ՌԴ նախագահի ներկայացուցչին մեկնաբանել ամերիկացի պաշտոնյայի վերջին հայտարարություններից մեկը։ Խոսքը Ուկրաինայի մայրաքաղաքում Նուլանդի ելույթի մասին է, որի ժամանակ նա Ռուսաստանի առաջնորդ Վլադիմիր Պուտինին խոստացել էր «հաճելի անակնկալներ ռազմի դաշտում»։
«Նախ, ես, իհարկե, կնախընտրեի չմեկնաբանել տիկին Նուլանդին։ Կարծում եմ՝ ավելի լավ կլինի, որ դա անեն արտաքին գործերի նախարարության իմ գործընկերները։ Երկրորդ, որպես կանոն, Վիկտորյա Նուլանդի այցը Կիև լավ չի ավարտվում»,- ասել է Պեսկովը։