Կակաոյի գները հասել են ամենաբարձր մակարդակին՝ 1977 թվականից ի վեր
Կակաոյի հատիկների գներն առևտրի ընթացքում հասել են ռեկորդային բարձր մակարդակի վերջին 46 տարում։ Այս մասին հայտնել է MarketWatch պորտալը։
Նրա խոսքով՝ Լոնդոնի ICE բորսայում մեկ տոննա կակաոյի հատիկի գինը բարձրացել է մինչև 5009 դոլար, ինչը ամենաբարձր մակարդակն է 1977 թվականի հուլիսի 20-ից ի վեր, ըստ Dow Jones-ի։
«Արևմտյան Աֆրիկայից կակաոյի հատիկների հասանելիությունը մնում է սահմանափակ, և գալիք տարվա պահանջարկի համեմատ արտադրության ևս մեկ պակասի կանխատեսումները աճում են», - մեջբերում է պորտալը The Price Futures Group ֆինանսական ընկերության փոխնախագահ Ջեք Սքովիլը: Նա նշել է, որ նման ակնկալիքների պատճառներից մեկը Էլ Նինյո կլիմայական երեւույթն է, որը սպառնում է արեւմտյան Աֆրիկայի մշակաբույսերին շոգ ու չոր եղանակով։
