ՏԵՍԱՆՅՈՒԹ. Երկիր կներթափանցեն տաք հոսանքներ. Գագիկ Սուրենյանը` եղանակի մասին

Փետրվարի 4-ից մեր երկիր հարավ-արևմուտքից կներթափանցեն տաք հոսանքներ: Այս մասին լրագրողների հետ հանդիպմանն ասաց ՇՄՆ հիդրոօթերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։

«Մինչև փետրվարի 4-ը հանրապետությունում հիմնականում կպահպանվի առանց տեղումների եղանակ, փետրվարի 5-ին առանձին լեռնային շրջաններում, փետրվարի 5-ի՝ լույս 6-ի գիշերը և առավոտյան ժամերին շրջանների մեծ մասում կդիտվեն տեղումներ: Փետրվարի 6-ի կեսօրից հետո հանրապետության ողջ տարածքում տեղումները կդադարեն, փետրվարի 7-ից հետո կրկին կհաստատվի առանց տեղումների եղանակ: Փետրվարի 7-ի ցերեկն արդեն Արարատյան դաշտում կարձանագրենք մինչև 12 աստիճան տաքություն, Երևանում՝ մինչև 10-12, Սյունիքի հովիտներում օդի ջերմաստիճանը կհասնի մինչև 16, առանձին հատվածներում մինչև 20 աստիճան տաքություն»,-ասաց Սուրենյանը։

Նրա խոսքով` հանրապետության ողջ տարածքում սպասվում է օդի ջերմաստիճանի բարձրացում մինչև 10-12 աստիճանով: Փետրվարի 5-ին և 6-ին սպասվում է քամու ուժգնացում։

Մանրամասները` տեսանյութում: