ՏԵՍԱՆՅՈՒԹ․Հայաստանը պետք է բացի քարտեզը, տեսնի՝ ինչ հարևաններ ունի. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է ՆԱՏՕ–ի ներկայացուցիչ Խավիեր Կոլոմինայի հայտարարությունը ՆԱՏՕ-Երևան հարաբերությունների և մերձեցման մասին։

«Եթե ինչ-որ մեկը մերձեցում է ուզում, պետք է հասկանալ՝ որքանով է դա անվտանգ և ինչ հետևանքներ կբերի։ Մենք տեսել ենք՝ ինչի է հանգեցնում շատ երկրների մերձեցումը ՆԱՏՕ-ին․ կոնֆլիկտներում ներգավում, անկախության և սուվերենության կորուստ, օտարի պլանավորմանը ենթարկում և, ամենակարևորը, սեփական, ազգային շահերի սպասարկման հնարավորության բացակայություն։ Նախ պետք է հասկանալ, թե ինչն է ձեռնտու հենց Հայաստանին, նրա ազգային շահերին։ Պետք է բացել քարտեզը և տեսնել, թե որ տարածաշրջանում է գտնվում Հայաստանը, ինչ հարևաններ ունի այս երկիրը, պատմության դասագիրքը կարդալ, վերլուծել այս ամենը։ Այդ մտերմությունը ենթադրում է տարածաշրջանի պետությունների հետ կապերի խզում կամ փչացում։ Ի՞նչն է ձեռնտու Հայաստանին կարճատև կամ երկարատև հեռանկարում․ պետք է մեկնարկել հենց այդ ամենից, ոչ թե խոստումներից։ Արևմուտքը բոլորին է խոստումներ տալիս, բայց պետք է տեսնել` որտեղ ինչն է կատարել», - ասել է նա։

Մանրամասները՝ տեսանյութում։