ՏԵՍԱՆՅՈՒԹ․ Ալեն Սիմոնյանի հետ թիմը խնդի՞ր ունի, հնարավո՞ր է՝ նա հեռացվի թիմից․ հարց՝ Վահագն Ալեքսանյանին

ԱԺ ՔՊ խմբակցության պատգամավոր Վահագն Ալեքսանյանն անդրադարձել է էկոնոմիկայի նախարարությունում հայտնաբերված չարաշահումների գործով, ի թիվս այլ անձանց, նաև ԱԺ նախագահ Ալեն Սիմոնյանի եղբոր կնոջը կալանավորելուն։

Լրագրողների հետ ճեպազրույցում նա ասել է, թե չի մեկնաբանում դատարանի որոշումը. «Չեմ կարող մեկնաբանել դատարանի որոշումները։ Թույլ տվեք այդ հարցին չպատասխանել»։

Միաժամանակ, Ալեքսանյանը հերքել է տեղեկությունները, թե Ալեն Սիմոնյանի դեմ թիմի ներսում գործընթացներ են ընթանում. «Ալեն Սիմոնյանը ՔՊ վարչության անդամ է, ԱԺ նախագահ, Ալեն Սիմոնյանը մեր թիմակիցն է, և նրա հետ մեր թիմը ոչ մի խնդիր չունի»։

Ալեքսանյանը նաև ասել է, թե Սիմոնյանին երեկ չի հանդիպել։