Որքա՞ն ունեցվածք ունի Էկոնոմիկայի նախկին փոխնախարարը

Էկոնոմիկայի նախկին փոխնախարար Անի Իսպիրյանը դեռ 2023թ. մայիսին կոռուպցիայի կանխարգելման հանձնաժողով է ներկայացրել իր գույքի և եկամուտների տարեկան հայտարարագիրը։

Նախկին փոխնախարարը որպես անշարժ գույք հայտարարագրել է․

միանձնյա սեփականության իրավունքով 1 բնակարան Ռուսաստանում,

համատեղ սեփականության իրավունքով 1 բնակարան Երևանի Նոր-Նորք շրջանում, որոնք տարեվերջին պահպանվել են:

Որպես տարեկան եկամուտ հայտարարագրել է․

14 մլն 901 հազար դրամ աշխատավարձ էկոնոմիկայի նախարարությունից,

34 հազար դրամ աշխատավարձ հայ-ռուսական համալսարանից։

Անի Իսպիրյանը 3 մլն դրամի և 102 հազար ռուբլու ավանդ ունի բանկում։

2022թ. տարեվերջին նրա բանկային հաշիվներում եղել է՝

2 մլն դրամ և 6500 ռուբլի,

կանխիկ միջոցները կազմել են 10 000 դրամ:

Հիշեցնենք, որ Անի Իսպիրյանն աշխատանքից ազատվել էր, ապա ձերբակալվել. իրավապահ մարմիններն այսօր առավոտից խուզարկություն են իրականացրել Էկոնոմիկայի նախարարությունում և մի շարք այլ անձանց հասցեներում։