ԼՈՒՍԱՆԿԱՐՆԵՐ․ Շղթայական ավտովթար` Արարատի մարզում․ բախվել է 10 ավտոմեքենա․ ԶԼՄ
Այսօր՝ հունվարի 30-ին, ճանապարհի մերկասառույցի պատճառով շղթայական ավտովթարներ են տեղի ունեցել Արարատի մարզում: Այս մասին հայտնում է Shamshyan․com-ը։
Հաղորդվում է, որ ժամը 09:30-ի, 10:00-ի սահմաններում Երևան-Երասխ ավտոճանապարհի Մարմարաշեն գյուղի վարչական տարածքում՝ 1 կիլոմետրանոց հատվածում, բախվել են BMW, Mercedes, Mitsubishi, Opel Zafira, Opel, ՎԱԶ 2107, Nissan March, Lada, ՎԱԶ 2106 և Samara մակնիշի ավտոմեքենաները:
Կայթի փոխանցմամբ՝ ըստ նախնական տեղեկությունների, բարեբախտաբար, տուժածներ չկան: Կայքը գրում է, որ վարորդները նշում էին, որ ճանապարհը եղել է մերկասառույց, սակայն ոչ մի աշխատանք չի կատարվել՝ այն աղ ու ավազով մշակելու համար:
Լրագրող Հասիկ Դիլանյանն էլ ֆեյսբուքյան իր Էջում լուսանկարներ է հրապարակել և գրել․ «Մ 2 տեղ-տեղ մաքրած, բայց հիմնականում ոչ մի բան չարած, արդյունքը նկարներում մի քանի վթար ու շղթայական.... Մինչեւ Մասիսի ԱԳԼՃԿ ի մոտ զրո մաքրած, մինչեւ Արտաշատ զրո աշխատանք, Մասիսի կեսից ՝ կիսատ-պռատ , Արարատ, Ավշար, Այգավան, Ոսկետափ, Խոր Վիրապ.. Ավելորդ է ուղղակի խոսելը..»
