ԼՈՒՍԱՆԿԱՐՆԵՐ․ Ուրալում հոկեյի մանկական թիմի ավտոբուսը վթարի է ենթարկվել․ կան տուժածներ և 4 զոհ
ՌԴ Ուրալում հոկեյի մանկական թիմին Նովուրալսկ տեղափոխող ավտոբուս վթարի է ենթարկվել։ Վթարը տեղի է ունեցել Վերխ-Նեյվինսկի գյուղի մոտ։ Հաղորդվում է, որ ավտոբուսի անվադողը պայթել է երթևեկի ժամանակ, ինչի հետևանքով մեքենան դուրս է եկել հանդիպակաց գոտի և բախվել մեկ այլ մեքենայի։
ՌԴ դատախազությունից հայտնում են, որ վթարի հետևանքով 4 մարդ է մահացել։
«Ստացված տեղեկությունների համաձայն՝ հոկեյի հավաքականի մարզիչը հիվանդանոցում մահացել է»,- հայտնել են վարչությունից։
Մյուս երեք մահացածները մեքենայի վարորդն ու ուղևորներն են։ Բացի այդ, վիրավորվել է երկու երեխա։
Ոստիկանության տվյալներով՝ ավտոբուսում եղել է 15-16 տարեկան 18 երեխա, ովքեր Նովուրալսկ էին վերադառնում Չելյաբինսկի մարզի մրցումներից։
