Դամասկոսի արվարձանին Իսրայելի հարվածի հետևանքով տուժած հայեր կա՞ն․ Պողիկյանը պատասխանել է
Դամասկոսի արվարձանում գտնվող իրանական խորհրդատվական կենտրոնին Իսրայելի հարվածի հետևանքով զոհերի և վիրավորների շրջանում հայեր չկան։ Այս մասին Sputnik Արմենիայի հետ զրույցում այս մասին ասել է Հալեպի «Գանձասար» շաբաթաթերթի գլխավոր խմբագիր Զարմիկ Պողիկյանը։
«Իմ տեղեկություններով`վիրավորների կամ զոհերի թվում հայեր չկան։ Սիրիական լրատվամիջոցներն արդեն հայտնել են, որ կան զոհեր և վիրավորներ։ Դամասկոսի հարավային շրջանները հայերով բնակեցված չեն»,–լրատվամիջոցի հետ զրույցում ասել է նա։
Պողիկյանը նաև ընդգծել է, որ պարբերաբար Իսրայելը հարվածում է Դամասկոսի արվարձաններին։
Հիշեցնենք, որ Tasnimnews–ն ավելի վաղ հաղորդել էր` հարվածի հետևանքով 2 մարդ է մահացել, կան վիրավորներ:
