Ըստ հարցումների՝ Թրամփն առաջ է անցել Բայդենից. նոր մանրամասներ

ԱՄՆ նախագահի հանրապետական թեկնածու Դոնալդ Թրամփը վեց տոկոսային կետով առաջ է անցել դեմոկրատական կուսակցության թեկնածու, գործող նախագահ Ջո Բայդենից։ Դրա մասին է վկայում Reuters/Ipsos-ի հարցման արդյունքը։ Բացի դա, ըստ հարցման, ամերիկացիները դժգոհ են ընտրական ռևանշից, որն առավել նկատելի է դարձել Նյու Հեմփշիրում նախկին նախագահի հաղթանակից հետո:

1250 չափահաս ամերիկացու շրջանում անցկացված համապետական հարցումը ցույց է տվել, որ Թրամփը գերազանցում է Բայդենին 40%/34% համամասնությամբ, մյուսները վստահ չեն կամ մտադիր են քվեարկել ուրիշի կամ, ընդհանրապես, ոչ մեկի օգտին: Հարցման սխալմունքը 3% է։