Դպրոցաշինությանն առնչվողները տարվա սկզբից շատ ծանր, դառը տրամադրության մեջ են. Փաշինյան

«Մի ժամանակ մեզ թվում էր, թե փողն ամենամեծ խնդիրեն է, որ փող ունենանք, մնացած բոլոր հարցերը կլուծենք։ Հիմա սա այն դեպքն է, որ փող ունենք, բայց բախտ չունենք, ինչպես ասում են»,- գործադիրի այսօրվա նիստում հայտարարեց Նիկոլ Փաշինյանը՝ անդրադառնալով դպրոցաշինության ոլորտում առակ որակի խնդիրներին։

Կառավարությունը քննարկեց «Նորմատիվ իրավական ակտերի մասին» օրենքի փոփոխության նախագիծը, որով դպրոցաշինությունն ավելի շահութաբեր են դարձնում շինարարական ընկերությունների հար։

Ըստ Փաշինյանի՝ ընկերություններն իր հետ հանդիպման ժամանակ ասել են, որ մասնավոր հատվածում շինարարություն անելիս իրենց շահութաբերությունը 20 % և ավել է, իսկ դպրոցների կապիտալ շինարարության ոլորտում 10 % է սահմանված և առաջարկվող օրինագծով այն բարձրացվում է։

Նա հայտնեց, որ որոշակի ստեղծագործական մոտեցում պետք է իրականացնեն որպեսզի իրենց ակնկալած դպրոցների, ԲԿ-ների ու ճանապարհների կապիտալ շինարարություն ունենան։

«Ճիշտն ասեմ, կառավարության այն անդամները, ովքեր այս թեմայի հետ առնչվում են, տարվա սկզբից շատ ծանր, դառը տրամադրության մեջ են, բայց ես մյուս կողմից մտածել եմ՝ ճանապարհն անցնում է նա, ով դրա վրայով քայլում է»,-ասաց Փաշինյանը՝ ակնարկելով աշխատանքից ազատված մարզպետերին և Քաղաքաշինության կոմիտեի նախագահին։

Նա հայտնեց, որ դպրոցաշինության և մանկապարտեզաշինության համակարգված պրակտիկա երրորդ հանրապետության պատմության մեջ չի եղել։

Հայտարարելով, որ դպրոցաշինության ոլորտը պետք է բերեն որակի չափանիշի՝ փաշինյանն ասաց. «Բասկետբոլի դաշտը պետք է բասկետբոլի դաշտ լինի, չի կարող իմպրեսիոնիզմի ժանրից ինչ-որ բան լինի»։