Հուսիթները Ադենի ծոցում հարված են հասցրել Ամերիկյան Chem Ranger լցանավին։ Այս մասին հայտնել է Al Masirah-ը՝ հղում անելով Եմենի զինվորականներին։

Հուսիթները պնդում են, որ ուղիղ հարված են արձանագրել։ ԱՄՆ Զինված ուժերի կենտրոնական հրամանատարությունը (CENTCOM) հաստատել է գնդակոծությունը՝ հայտնելով, որ ոչ ոք չի տուժել:

Ծովային անվտանգության բրիտանական Ambrey ընկերությունը հայտնել է, որ չորս անօդաչու թռչող սարքեր մոտեցել են ամերիկյան տանկերին, որն անցնում էր Մարշալյան կղզիների դրոշի ներքո: Միջադեպը տեղի է ունեցել Եմենի էլ Մուկալլա նավահանգստից 87 մղոն (140 կմ) հարավ-արևելք: Մեկ դրոն ընկել է ջուրը, հայտնում է Reuters-ը։