ՏԵՍԱՆՅՈՒԹ․ ԱՄՆ-ը նոր հարվածները՝ Եմենի հուսիթներին․ թիրախավորվել են 14 հուսիթական հրթիռներ
ԱՄՆ-ն արդեն չորրորդ հարվածն է հասցրել Եմենում Իրանի զինված եւ դաշնակից հուսիթների շարժման օբյեկտներին։ Տեղեկությունը հաստատել են Պենտագոնի ներկայացուցիչները, փոխանցում է BBC-ի ռուսական ծառայությունը։
Ինչպես հայտնել Է Մերձավոր Արեւելքի համար պատասխանատու ամերիկյան կենտրոնական հրամանատարությունը՝ հարվածները հասցվել են ամերիկյան ռազմանավերից արձակված Tomahawk հրթիռներով:
Մեծ Բրիտանիայի պաշտպանության նախարարությունը BBC-ին հայտնել է, որ չի մասնակցել Եմենին ուղղված հարվածների այս շարքին:
Թիրախ են դարձել 14 հուսիթական հրթիռներ, որոնք պատրաստվում էին Կարմիր ծովում նավերի վրա հարձակումներին: Դրանք տեղադրվել են արձակման ռելսերի վրա եւ, հետեւաբար, «անմիջական սպառնալիք են ներկայացրել ԱՄՆ ռազմածովային ուժերի առեւտրային նավերի եւ նավերի համար եւ կարող էին արձակվել ցանկացած պահի, ինչն էլ ստիպել է ամերիկյան զինված ուժերին օգտվել իրենց պաշտպանելու իրենց անքակտելի իրավունքից եւ պարտավորությունից», ասված է հայտարարության մեջ:
