Ինքանաթիռի ուղևուրը կծել է բորտուղեկցորդուհու թևը
Ճապոնական All Nippon Airlines ավիաընկերության ինքնաթիռը, որը Տոկիոյից Սիեթլ չվերթ էր իրականացնում, ստիպված է եղել վերադառնալ մեկնման օդանավակայան այն բանից հետո, երբ ԱՄՆ 55-ամյա քաղաքացին կծել է ուղեկցորդուհիներից մեկի ձեռքը, հայտնում է TBS հեռուստաալիքը։
Տոկիոյի ոստիկանության տվյալներով՝ ինքնաթիռը Ճապոնիայի մայրաքաղաքից օդ է բարձրացել երկուշաբթի երեկոյան։ Թռիչքից անմիջապես հետո ուղևորներից մեկը՝ ԱՄՆ քաղաքացի Մայքլ Թրևիս Հալյարդը, ագրեսիվ է արձագանքել, երբ անձնակազմի անդամները նրան խնդրել են նստել իր տեղում, իսկ հետո կծել ավիաընկերության աշխատակիցներից մեկի թեւը՝ թեթև վիրավորելով կնոջը։
Ինքնաթիռը վերադարձել է Տոկիոյի Հանեդա օդանավակայան, որտեղ տղամարդը ձերբակալվել է։
